HOKKIE

 Hoërskool Fichardtpark se hokkie is uiters mededingend en ons kompeteer teen die beste spanne in Bloemfontein! Talle spelers word jaarliks in provinsiale spanne opgeneem wat ‘n klinkklare bewys is dat dat Fichies passievol oor hulle hokkietalent is.

Ons eerstespanne ding nie slegs mee op skolevlak nie, maar ook op senior hokkievlak. Die seuns- en dogterspanne speel in Bloemfontein se senior klubliga waar hulle teen die beste kompeteer, onder andere Kovsies, wat aan elke speler die geleentheid bied om as span en individu tot die beste van hul vermoëns te ontwikkel.

Ons neem ook jaarliks deel aan CUT se “summer league” om ons voor te berei vir die komende seisoen. Die eerstespanne kry ook die geleentheid om gedurende die April-vakansie ‘n hokkiekliniek êrens in ons land by te woon, net om vir daardie finale afronding te sorg. En kyk! As die wiele rol, is ons eerste in die bus, gereed om ook teen plattelandse spanne mee te ding gedurende ons jaarlikse inters teen, onder andere: Duineveld, Diamantveld en Voortrekker.

Fichies spog ook met uiters bekwame afrigters wat passievol oor die sport is, onder andere, mnr Barry Nadel (lid van Vrystaat Senior Hokkieliggaam), me Mariska van Staden (voormalige S.A 0/21-speler), mnr Pieter van Staden (wenner van 0/16 IPT), mnr Jacques van der Merwe (Vrystaat Senior Mans – speler), me Chantelle Brits (FIH – skeidsregter) en Mnr. Charles De Andrade.

Hoërskool Fichardtpark spog ook met ‘n mini astro-hokkiebaan!

FOTO GALLERY