Hoof se Boodskap
Hoërskool Fichardtpark is `n Afrikaanse Hoërskool met `n Christelike karakter. Ons besef dat die hoërskooljare belangrike vormingsjare is. Ons wil elke leerder se talente en vaardighede ontwikkel om uiteindelik in `n selfstandige volwassene te transformeer.
Hier by Fichardtpark wil ons graag in jou as jongmens belê en jou totale menswees aanraak met die volgende waardes:
GELOOF
DIENSBAARHEID
INTEGRITEIT
RESPEK
UITNEMENDHEID
Akademie is ons kernbelang met top gehalte leerkragte. Fichardtpark fokus verder ook op `n balans tussen sport en kultuur.
Akademie ons prioriteit
Sport ons passie
Kultuur ons trots
Fichardtpark – Jóú Voorkeurskool
Mnr H van der Merwe
Wil jy ‘n “Fichie” wees?
Kontak ons om deel van die Hoërskool Fichardtpark familie te word!
Laai die Graad 8 inskrywingsvorm nou af en maak Fichardtpark JOU Voorkeurskool!
Gebeure by Hoërskool Fichardtpark
Opwindende gebeure by die skool en in die gemeenskap
Sorry, no posts matched your criteria.
Ons o.15A-krieketspan het ’n uitstekende vertoning gelewer en Hoërskool Jim Fouché se o.15A-span met 31 lopies geklop!
Fichardtpark het eerste gekolf en 117/7 in 20 boulbeurte aangeteken. Ons boulers het daarna puik werk verrig en Jim Fouché vir slegs 86 lopies in 18.2 boulbeurte uitgeboul.
Beste kolwers:
Handré Herholdt – 47 lopies van 55 balle.
Roelof Herbst – 20 lopies van 21 balle.
Beste boulers:
De Villiers Myburg – 2 paaltjies vir 3 lopies.
Tobie van Vuuren – 2 paaltjies vir 7 lopies.
Baie geluk aan ons o.15A-manne met hierdie puik oorwinning! Ons is trots op julle!
#joudrome #joutoekoms #onspassie
Baie geluk aan ons eerste krieketspan wat ’n algehele vierde plek by die toernooi behaal het!
Ons glo dié ervaring het ons manne goed voorberei vir die seisoen wat voorlê. Ons sien uit om julle weer op die veld te sien skitter!
#joudrome #joutoekoms #onspassie
Liewe Matriekklas van 2026
Die laaste hoofstuk van julle skoolloopbaan het aangebreek! Ná jare se harde werk, deursettingsvermoë en kosbare herinneringe is dit nou tyd om alles wat julle geleer het, met selfvertroue toe te pas.
Mag julle elke vraestel met kalmte, wysheid en geloof aanpak. Onthou, julle staan nie alleen nie. Die hele Fichie-familie staan bankvas agter julle en dra julle in ons gebede.
“Ek is tot alles in staat deur Christus wat my krag gee.” – Filippense 4:13
Glo in julleself, vertrou op julle voorbereiding en gee julle allerbeste. Ons is reeds ongelooflik trots op elkeen van julle!
Julle drome is groot, julle toekoms is blink en julle sal altyd ons passie bly!
#joudrome #joutoekoms #onspassie
Mag die jaar gevul wees met vreugde, avontuur en liefde!
#fichiefamilie #fichietrots #fichiedrome #voorkeurskool
Baie sterkte aan Jaden Botes wat op Donderdag, 15 Oktober, aan die Nasionale Finaal van die ATKV-Akademia Uitklopspel in Centurion gaan deelneem!
Jaden, ons is ongelooflik trots op jou! Mag jy hierdie besondere geleentheid ten volle geniet, jou beste gee en met selfvertroue jou talent ten toon stel.
#joudrome #joutoekoms #onspassie
Baie geluk aan Charlize van Rooyen wat aan die nasionale finaal van die Oppi Tong Af-redenaarskompetisie deelgeneem het!
Om op nasionale vlak mee te ding, is reeds ’n besondere prestasie en getuig van harde werk, selfvertroue en deursettingsvermoë.
Charlize, ons is ongelooflik trots op jou! Dankie dat jy ons skool se naam met soveel trots uitdra.
#joudrome #joutoekoms #onspassie
Hoërskool Fichardtpark is op soek na entoesiastiese en toegewyde luggeweerskietafrigters om vanaf Januarie 2027 by ons afrigtingspan aan te sluit!
Belangstellendes word genooi om hul CV en motiveringsbrief na hr@fpark.co.za te stuur.
Sluitingsdatum: 30 Oktober 2026
#joudrome #joutoekoms #onspassie
Ons is trots op ons Fichies wat deel is van die Bloemfonteinkinderkoor!
Jandré Tredoux, tans ’n graad 8-leerder, en twee van ons toekomstige Fichies, Ryan Booysen en Anika de Necker, het onlangs aan die koor se galakonsert deelgeneem.
’n Spesiale gelukwensing aan Jandré Tredoux wat as een van die leiers van die Bloemfonteinkinderkoor vir 2027 verkies is!
Baie geluk aan hierdie talentvolle jong sangers! Ons is trots op julle en sien uit na alles wat julle nog gaan bereik!
#joudrome #joutoekoms #onspassie