Die VCSV speel ook ‘n belangrike rol in die geestelike verryking van die leerders. Verskeie kampe word deur die VCSV aangebied op Maselspoort.
Hierdie geleenthede is van ontskatbare waarde vir die wat dit bywoon.
Dit is vir Hoërskool Fichardtpark baie belangrik dat die leerders die godsdiensgeleenthede wat in die skool aangebied word, as eg sal beleef en dat daar ‘n gesindheid van omgee in die skool sal bestaan wat die Christelike boodskap wat uitgedra word sal bevestig.
Hoërskool Fichardtpark het ‘n aktiewe VCSV met ongeveer 750 lede, waarvan 120 kringleiers is.
Die kringleiers kom elke Dinsdagaand bymekaar vir Fix@Six Tydens hierdie geleentheid word hul voorberei om ‘n boodskappie aan hul kringlede oor te dra.
Elke Woensdagoggend verdeel die skool in VCSV kringe om rondom die Woord van God te kuier.
